നിയമസഭ തെരഞ്ഞെടുപ്പ്​;ബി.ജെ.പിക്ക് സമ്മർദ്ദമേറ്റി വനം മന്ത്രി രാജി പ്രഖ്യാപിച്ചു

ന്യൂഡൽഹി: ഉത്തരാഖണ്ഡിൽ നിയമസഭ തെരഞ്ഞെടുപ്പ്​ അടുത്തിരിക്കുന്ന സാഹചര്യത്തിൽ ബി.ജെ.പിക്ക് സമ്മർദ്ദമേറ്റി വനം മന്ത്രി ഹരക്​ സിങ്​ റാവത്തിന്‍റെ രാജിപ്രഖ്യാപനം. വെള്ളിയാഴ്ച മന്ത്രിസഭ യോഗത്തിൽനിന്ന്​ ഇറങ്ങിപ്പോയ ഹരക്​ സിങ്​ പിന്നീട്​ രാജി പ്രഖ്യാപിക്കുകയായിരുന്നു. തന്‍റെ മണ്ഡലമായ കോട്​ദ്വാറിൽ മെഡിക്കൽ കോളജ്​ അനുവദിക്കാത്തതിൽ പ്രതിഷേധിച്ചാണ്​ ഹരകിന്‍റെ രാജി. സംഭവത്തിൽ ഹരക്​ രോഷം പ്രകടിപ്പിക്കുകയും ചെയ്തു.

"കഴിഞ്ഞ അഞ്ചുവർഷമായി കോട്​ദ്വാർ മണ്ഡലത്തിൽ മെഡിക്കൽ കോളജ്​ അനുവദിക്കുന്നതിനായി ഞാൻ കാത്തിരിക്കുകയായിരുന്നു. എന്നാൽ എന്‍റെ സ്വന്തം സർക്കാർ തന്നെ മെഡിക്കൽ കോളജ്​ സ്ഥാപിക്കാനുള്ള അനുമതിയെ തൂക്കിലേറ്റുകയാണ്​ -ഹരക്​ സിങ്​ മാധ്യമങ്ങളോട്​ പ്രതികരിച്ചു.