ബോളിവുഡ് താരം സോനു സൂദിന്‍റെ സഹോദരിയും രാഷ്ട്രീയത്തിലേക്ക്
Nov 14, 2021, 16:01 IST
ചണ്ഡീഗഢ്: 2022 ൽ നിയമസഭ തെരഞ്ഞെടുപ്പ് ആഗതമാകവേ പഞ്ചാബ് രാഷ്ട്രീയത്തിൽ പുതിയ നീക്കം. ബോളിവുഡ് താരം സോനു സൂദിന്‍റെ സഹോദരി മാളവിക സൂദ് മത്സരത്തിനിറങ്ങുമെന്നാണ് റിപ്പോർട്ട് . ചണ്ഡീഗഢിൽ നിന്ന് 170 കിലോമീറ്റർ അകലെയുള്ള മോഗയിൽ നിന്നാണ് ജനവിധി തേടുകയെന്നാണ് വിവരം.
മോഗയിൽ നടത്തിയ വാർത്താസമ്മേളനത്തിൽ നടൻ സോനു സൂദ് അറിയിച്ചതാണ് ഇക്കാര്യം. കോവിഡ് പ്രതിസന്ധിയിലും ലോക്ഡൗണിലും സോനു സൂദ് നടത്തിയ പ്രവർത്തനങ്ങൾ മാധ്യമശ്രദ്ധ നേടിയിരുന്നു . അടുത്തിടെ പഞ്ചാബ് മുഖ്യമന്ത്രി ചരൻജീത് സിങ് ചന്നിയുമായി നടത്തിയ സോനുവിന്‍റെ കൂടിക്കാഴ്ചയും ചർച്ചയായിരുന്നു. എന്നാൽ, ഏത് പാർട്ടിയുടെ ഭാഗമായാണ് മത്സര രംഗത്തിറങ്ങുകയെന്ന കാര്യം വ്യക്തമല്ല.