റാ​യ്പു​രി​ൽ മ​ത​പ​രി​വ​ർ​ത്ത​നം ആ​രോ​പി​ച്ച് പോ​ലീ​സ് സ്റ്റേ​ഷ​നി​ൽ പാ​സ്റ്റ​ർ​ക്ക് മ​ർ​ദ​നം

ഭോ​പ്പാ​ൽ: ഛത്തീ​സ്ഗ​ഡി​ലെ റാ​യ്പു​രി​ൽ മ​ത​പ​രി​വ​ർ​ത്ത​നം ആ​രോ​പി​ച്ച് പാ​സ്റ്റ​റെ പോ​ലീ​സ് സ്റ്റേ​ഷ​നി​ൽ ഹി​ന്ദു​ത്വ തീ​വ്ര​വാ​ദി​ക​ൾ മ​ർ​ദി​ച്ചു. റാ​യ്പു​രി​ലെ പു​രാ​നി ബാ​സ്തി പോ​ലീ​സ് സ്റ്റേ​ഷ​നി​ലാ​യി​രു​ന്നു സം​ഭ​വം. പാ​സ്റ്റ​റെ സ്റ്റേ​ഷ​നി​ലേ​ക്ക് അ​തി​ക്ര​മി​ച്ചു​ക​യ​റി​യ​വ​ർ ‌ചെ​രി​പ്പും ഷൂ​സും ഉ​പ​യോ​ഗി​ച്ച് അ​ടി​ച്ചതായാണ് പരാതി. സം​ഭ​വ​ത്തി​ന്‍റെ വീ​ഡി​യോ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ പ്ര​ച​രി​ക്കു​ക​യും ചെ​യ്തു.

ഭ​ട​ഗാ​വി​ൽ നി​ർ​ബ​ന്ധി​ത മ​ത​പ​രി​വ​ർ​ത്ത​നം ന​ട​ത്തു​ന്ന​താ​യി പോ​ലീ​സി​ന് പ​രാ​തി ല​ഭി​ച്ചി​രു​ന്നു. ഹി​ന്ദു​ത്വ തീ​വ്ര​വാ​ദി​ക​ൾ സം​ഘ​ടി​ച്ച് പോ​ലീ​സ് സ്റ്റേ​ഷ​നി​ലെ​ത്തു​ക​യും പ​രാ​തി​യി​ൽ ന​ട​പ​ടി എ​ടു​ക്ക​ണ​മെ​ന്ന് ആ​വ​ശ്യ​പ്പെ​ടു​ക​യും ചെ​യ്തു. ഈ ​സ​മ​യം പാ​സ്റ്റ​ർ ഭ​ട​ഗാ​വ് സ്വ​ദേ​ശി​ക​ളാ​യ ഏ​താ​നും പേ​രു​മാ​യി സ്റ്റേ​ഷി​നി​ലെ​ത്തി. പാ​സ്റ്റ​റു​ടെ അ​നു​യാ​യി​ക​ളും ഹി​ന്ദു​ത്വ തീ​വ്ര​വാ​ദി​ക​ളും പ​ര​സ്പ​രം വാ​ക്കേ​റ്റ​വും ഉ​ന്തും​ത​ള്ളും ഉ​ണ്ടാ​കു​ക​യും ചെ​യ്തു. ഉ​ട​നെ പാ​സ്റ്റ​റെ സ്റ്റേ​ഷ​ൻ ഇ​ൻ​ചാ​ർ​ജി​ന്‍റെ മു​റി​യി​ലേ​ക്ക് കൊ​ണ്ടു​പോ​യി. അ​വി​ടെ സം​ഘ​ർ​ഷം കൂ​ടു​ത​ൽ വ​ഷ​ളാവുകയുമായിരുന്നു.