ഡൽഹിയിൽ ട്രെയിനിനു മുന്നിൽ ചാടിയ യുവതിയെ സുരക്ഷാ ഉദ്യോഗസ്ഥന് രക്ഷപെടുത്തി
Aug 4, 2021, 15:30 IST
ന്യൂഡൽഹി: ഡല്‍ഹിയില്‍ ട്രെയിനിനു മുന്നില്‍ ചാടിയ യുവതിയെ സുരക്ഷാ ഉദ്യോഗസ്ഥന് രക്ഷപെടുത്തി. ജനക്പുരി വെസ്റ്റ് മെട്രോ സ്‌റ്റേഷനിലാണ് സംഭവം. പരിക്കുകളോടെ ആശുപത്രിയിലെത്തിച്ച യുവതി അപകട നില തരണം ചെയ്തു. പാലം സ്വദേശിയായ 21കാരിയാണ് ട്രെയിനിനു മുന്നില്‍ ചാടി ആത്മഹത്യക്ക് ശ്രമിച്ചത്.
യുവതി ചാടുന്നത് ശ്രദ്ധയില്‍പ്പെട്ട ഡ്രൈവര്‍ എമര്‍ജന്‍സി ബ്രേക്ക് പ്രയോഗിക്കുകയായിരുന്നു. ഒാടിയെത്തിയ സി.ഐ.എസ്.എഫ് ഉദ്യോഗസ്ഥർ യുവതിയെ ട്രെയിനിനടിയിൽ നിന്ന് കോരിയെടുത്തു. മുറിവേറ്റ യുവതിയെ പുതപ്പിക്കാൻ ഒരു സി.ഐ.എസ്.എഫ് ഉദ്യോഗസ്ഥൻ തന്‍റെ യൂണിഫോം അഴിച്ചുനൽകി. ഉടനെ ആശുപത്രിയിലെത്തിക്കാനായതിനാൽ ജീവൻ രക്ഷിക്കാനായി.