ജമ്മുവിൽ 11 പേർ കൊല്ലപ്പെട്ട സംഭവം എൻ ഐ എ അന്വേഷിക്കും

ജമ്മുവിൽ 11 പേർ കൊല്ലപ്പെട്ട സംഭവം ദേശീയ അന്വേഷണ ഏജൻസിയുടെ – ഇന്ത്യൻ ഭീകരവിരുദ്ധ സേന അന്വേഷിക്കുമെന്ന് റിപ്പോർട്ട്. കൊലപാതകങ്ങൾക്ക് പിന്നിലെ ഗൂഢാലോചന കണ്ടെത്താനാണ് ആഭ്യന്തര മന്ത്രാലയം ദേശീയ അന്വേഷണ ഏജൻസിയെ ചുമതലപ്പെടുത്തിയിരിക്കുന്നത്. കശ്മീർ പൊലീസ് അന്വേഷിക്കുന്ന 4 കേസുകൾ ഏറ്റെടുക്കും.

ഞായറാഴ്ചയാണ് ഒടുവിലായി കൊലപാതകങ്ങൾ നടന്നത് ബീഹാറിൽ നിന്നുള്ള രണ്ട് തൊഴിലാളികൾ കുൽഗാം ജില്ലയിലെ വാൻപോയിൽ ഭീകരരുടെ വെടിയേറ്റ് കൊല്ലപ്പെട്ടു .മറ്റൊരു ബീഹാറി സ്വദേശിയും യുപി സ്വദേശിയും വെടിയേറ്റ് മരിച്ചതിന് തൊട്ടടുത്ത ദിവസമായിരുന്നു സംഭവം. ഒക്ടോബർ 5 ന് നടന്ന അക്രമത്തിൽ കശ്മീരി പണ്ഡിറ്റ് സമുദായത്തിലെ പ്രമുഖൻ ഉൾപ്പെടെ 3 പേർ കൊല്ലപ്പെട്ടിരുന്നു. അതെ സമയം രണ്ട് ദിവസം കഴിഞ്ഞ് , ഒക്ടോബർ 7 ന്, ശ്രീനഗറിലെ ഒരു സർക്കാർ സ്കൂളിലെ രണ്ട് അധ്യാപകർ വെടിയേറ്റു കൊല്ലപ്പെട്ടിരുന്നു .