നീ​റ്റ് പ​രീ​ക്ഷാ​ഫ​ലം പ്ര​ഖ്യാ​പി​ക്കാ​മെ​ന്ന് സു​പ്രീം കോ​ട​തി

ന്യൂ​ഡ​ൽ​ഹി: നീ​റ്റ് പ​രീ​ക്ഷാ​ഫ​ലം പ്ര​ഖ്യാ​പി​ക്കാ​ൻ നാ​ഷ​ണ​ല്‍ ടെ​സ്റ്റിം​ഗ് ഏ​ജ​ന്‍​സി​ക്ക് നി​ര്‍​ദ്ദേ​ശം ന​ല്‍​കി സു​പ്രീം കോ​ട​തി. പരീക്ഷ എഴുതിയ 16 ലക്ഷം വിദ്യാർഥികളുടെ ഫലം പ്രഖ്യാപിക്കാൻ ദേശീയ ടെസ്റ്റിങ് ഏജൻസി(എൻടിഎ)യോട് സുപ്രീം കോടതി ആവശ്യപ്പെട്ടു. സെപ്റ്റംബർ 12നാണ് പരീക്ഷ നടന്നത്. ഫലം പ്രഖ്യാപിക്കുന്നത് തടഞ്ഞ ബോംബെ ഹൈക്കോടതി വിധി സ്റ്റേ ചെയ്തുകൊണ്ടായിരുന്നു സുപ്രീം കോടതി ഉത്തരവ്.

തെറ്റായ സീരിയൽ നമ്പറുകളുള്ള ചോദ്യപേപ്പറുകളും ഉത്തര കടലാസ്സുകളും കൈമാറിയെന്ന് ആരോപിച്ച് വൈശാനവി ഭോപ്പാലി, അഭിഷേക് ശിവജി എന്നിവർക്ക് നീറ്റ് പരീക്ഷ വീണ്ടും നടത്തണമെന്ന് ബോംബെ ഹൈക്കോടതി ഉത്തരവിട്ടിരുന്നു. എന്നാൽ പരീക്ഷാ ഫലം പുറത്തുവിടുന്നത് വൈകിയാൽ അത് വിദ്യാർഥികളുടെ ഭാവിയെ ബാധിക്കുമെന്ന് കാട്ടി കേന്ദ്ര സർക്കാർ സുപ്രീം കോടതിയെ സമീപിക്കുകയായിരുന്നു. 

16 ല​ക്ഷ​ത്തോ​ളം വി​ദ്യാ​ർ​ഥി​ക​ളു​ടെ പ​രീ​ക്ഷാ​ഫ​ലം ര​ണ്ടു വി​ദ്യാ​ർ​ഥി​ക​ൾ​ക്കാ​യി മാ​റ്റി​വ​യ്ക്കാ​നാ​കി​ല്ലെ​ന്നും സു​പ്രീം കോ​ട​തി നി​രീ​ക്ഷി​ച്ചു. ഹൈ​ക്കോ​ട​തി ഉ​ത്ത​ര​വ് മു​ഴു​വ​ൻ പ​രീ​ക്ഷാ​ഫ​ല​ത്തെ​യും ബാ​ധി​ക്കു​മെ​ന്നും വി​ദ്യാ​ർ​ഥി​ക​ൾ ആ​ശ​ങ്ക​യി​ലാ​ണെ​ന്നും ചൂ​ണ്ടി​ക്കാ​ട്ടിയാണ് നാ​ഷ​ണ​ണ​ൽ ടെ​സ്റ്റിം​ഗ് എ​ജ​ൻ​സി(​എ​ൻ​ടി​എ)​ ഹ​ർ​ജി ന​ൽ​കി​യ​ത്.