കൊയ്ത്തുത്സവം നവംബർ 27 ന് ഷാർജ വർഷിപ്പ് സെന്ററിൽ
Nov 24, 2022, 11:37 IST
ഷാർജ: രണ്ടു വർഷത്തെ ഇടവേളയ്ക്ക് ശേഷം ഷാർജ മലയാളം സിഎസ്ഐ പാരിഷിന്റെ 2022 വർഷത്തെ കൊയ്ത്തുത്സവം നവംബർ 27 ന് രാവിലെ 9 മുതൽ ഷാർജ വർഷിപ്പ് സെന്ററിൽ നടക്കും.
സ്വാദിഷ്ടമായ ഭക്ഷണങ്ങൾ ഒരുക്കിയ വിവിധതരം സ്റ്റോളുകൾ, സഭയിലെ നിരവധി കലാകാരന്മാർ പങ്കെടുക്കുന്ന സ്റ്റേജ് പ്രോഗ്രാമുകൾ, മാജിക് ഷോ, വയലിൻ ഫ്യൂഷൻ എന്നിവ അരങ്ങേറും.
കുട്ടികൾക്കുള്ള ഗെയിം സോൺ, ജീവിതശൈലി രോഗ നിർണയത്തിനായി മെഡിക്കൽ ക്യാമ്പ്, പ്രശസ്ത ക്രിസ്ത്യൻ ഭക്തിഗാന ഗ്രൂപ്പ് ആയ 'ആമേൻ മ്യൂസിക് ' അവതരിപ്പിക്കുന്ന ഗാനസന്ധ്യ എന്നിവയും ഉണ്ടായിരിക്കും.