മൊബൈല്‍ ആപ്ലിക്കേഷനുകളുടെ പേരില്‍ 150 കോടി തട്ടി
Jun 10, 2021, 11:55 IST
ദില്ലി: മൊബൈല്‍ ആപ്ലിക്കേഷനുകളുടെ പേരില്‍ 150 കോടി തട്ടിയെടുത്ത കേസില്‍ രണ്ട് ചാര്‍ട്ടേഡ് അക്കൗണ്ടന്റുമാര്‍ ഉള്‍പ്പെടെ 11 പേർ അറസ്റ്റിൽ. ദില്ലി പോലിസിന്റെ സൈബര്‍ സെല്‍ ആണ് പ്രതികളെ അറസ്റ്റുചെയ്തത്. രണ്ടുമാസത്തിനുള്ളില്‍ അഞ്ചുലക്ഷം പേരെ കബളിപ്പിച്ച് 150 കോടിയാണ് ഇവർ തട്ടിയെടുത്തത്.
രണ്ട് മൊബൈല്‍ ആപ്ലിക്കേഷനുകളില്‍നിന്ന് ലാഭകരമായ വരുമാനം നല്‍കാമെന്ന വ്യാജേനയായിരുന്നു തട്ടിപ്പ്. ഇവരുടെ പേരില്‍ വിവിധ ബാങ്ക് അക്കൗണ്ടുകളിലും പേയ്‌മെന്റ് ഗേറ്റ്‌വേകളിലും നിക്ഷേപമുള്ള 11 കോടി രൂപയും മരവിപ്പിച്ചിട്ടുണ്ട്.
പവര്‍ ബാങ്ക്, EZPlan എന്നീ പേരിലുള്ള രണ്ട് മൊബൈല്‍ ആപ്പുകളുടെ പേരില്‍ രാജ്യത്തെ വിവിധ ഇടങ്ങളില്‍നിന്നുള്ള ജനങ്ങള്‍ സോഷ്യല്‍ മീഡിയയില്‍ പോസ്റ്റ്‌ചെയ്ത നോട്ടീസുകള്‍ ദില്ലി പോലിസിന്റെ ശ്രദ്ധയില്‍പ്പെടുകയായിരുന്നു.