സാംസങ് ഗാലക്‌സി എസ് 10 ലൈറ്റ് ഇന്ത്യയില്‍ അവതരിപ്പിച്ചു

സാംസങ്ങിന്റെ ഗാലക്സി എസ് 10 ന്റെ ചെറുപതിപ്പ് സാംസങ് ഗാലക്സി എസ് 10 ലൈറ്റ് ഇന്ത്യയിൽ അവതരിപ്പിച്ചു. തുടക്കത്തിൽ 128 ജിബി സ്റ്റോറേജ് മോഡൽ മാത്രമാണ് സാംസങ് പുറത്തിറക്കിയതെങ്കിലും ഇപ്പോൾ ഇന്ത്യയിൽ 512 ജിബി സ്റ്റോറേജ് വേരിയന്റും കമ്പനി പ്രഖ്യാപിച്ചിട്ടുണ്ട്.

ഫ്ലിപ്പ്കാർട്ട്, സാംസങ്ങിന്റെ ഓൺലൈൻ സ്റ്റോർ, ബെംഗളൂരുവിലെ സാംസങ് ഓപ്പറ ഹൗസ് എന്നിവയുൾപ്പെടെ ഓൺലൈൻ, ഓഫ്ലൈൻ വിൽപ്പനക്കാർക്കിടയിൽ മാർച്ച് മുതൽ ഇത് വിൽപ്പനയ്ക്കെത്തും. ഫോണിന്റെ 8 ജിബി / 512 ജിബി മോഡലിന് ഇന്ത്യയിൽ 44,999 രൂപയാണ് വില. ഇത് സ്മാർട്ട്ഫോണിന്റെ 128 ജിബി സ്റ്റോറേജ് വേരിയന്റിനേക്കാൾ 5,000 രൂപ കൂടുതലാണ്. ഗാലക്സി എസ് 10 ലൈറ്റിലെ കളർ ഓപ്ഷനുകളായ അതേ പ്രിസം വൈറ്റ്, പ്രിസം ബ്ലാക്ക്, പ്രിസം ബ്ലൂ എന്നിവയാണ് ഈ മോഡലിനും നൽകിയിട്ടുള്ളത്.

വലിയ ഗാലക്സി എസ് 10 ൽ നിന്ന് കടമെടുത്ത നിരവധി സവിശേഷതകളുള്ള ഒരു ബജറ്റ് പ്രീമിയം സ്മാർട്ട്ഫോണാണ് സാംസങ് ഗാലക്സി എസ് 10 ലൈറ്റ്. 1080-2400 പിക്സൽ റെസല്യൂഷനോടുകൂടിയ 6.7 ഇഞ്ച് ഫുൾ എച്ച്ഡി + സൂപ്പർ അമോലെഡ് ഇൻഫിനിറ്റിഒ ഡിസ്പ്ലേയാണ് ഇതിലുള്ളത്. ഒക്ടാകോർ ക്വാൽകോം സ്നാപ്ഡ്രാഗൺ 855 പ്രോസസറാണ് സ്മാർട്ട്ഫോണിന്റെ കരുത്ത്. ഇത് ആൻഡ്രോയിഡ് 10 അടിസ്ഥാനമാക്കിയുള്ള വൺ യുഐ 2.0 പ്രവർത്തിപ്പിക്കുന്നു. മൈക്രോ എസ്ഡി കാർഡ് വഴി 1 ടിബി വരെ സംഭരണം വിപുലീകരിക്കാൻ കഴിയും.
ഫാസ്റ്റ് ചാർജിംഗ് പിന്തുണയോടെ 4500 എംഎഎച്ച് ബാറ്ററിയും സാംസങ് ഇതിനു നൽകിയിരിക്കുന്നു.