റിയൽമി നർസോ 10 സീരിസ് മാർച്ച് 26ന് ഇന്ത്യയിൽ എത്തും

റിയൽ‌മി പുതിയ നർ‌സോ 10, നാർ‌സോ 10 എ സ്മാർട്ട്‌ഫോണുകൾ‌ മാർച്ച് 26 ന്‌ ഇന്ത്യയിൽ‌ അവതരിപ്പിക്കും. പുതിയ സ്മാർട്ഫോണുകളുടെ ലോഞ്ച് ഇവന്റ് ഇന്ത്യയിൽ ഉച്ചയ്ക്ക് 12: 30 ന് ആരംഭിക്കും. റീയൽമി നാർസോ ഫോണുകളുടെ ഔദ്യോഗിക ചാനലുകൾ വഴി ഇത് തത്സമയം സംപ്രേഷണം ചെയ്യുമെന്ന് കമ്പനി സ്ഥിരീകരിച്ചു.

റിയൽ‌മി ഇന്ത്യയുടെ വെബ്‌സൈറ്റ് അനുസരിച്ച്, 48 മെഗാപിക്സൽ ക്വാഡ് റിയർ ക്യാമറ സജ്ജീകരണം റിയൽ‌മി നർസോ 10 അവതരിപ്പിക്കും. ഇൻസ്റ്റന്റ് ചാർജ് പിന്തുണയ്ക്കുള്ള 5,000 എംഎഎച്ച് ബാറ്ററിയാണ് ഈ സ്മാർട്ഫോണിന് കരുത്ത് പകരുന്നതെന്ന് കമ്പനി സ്ഥിരീകരിച്ചു. എന്നാൽ റിയൽ‌മി ചിപ്‌സെറ്റിന്റെ പേര് ഇതുവരെ വെളിപ്പെടുത്തിയിട്ടില്ല.

ഹാൻഡ്‌സെറ്റുകൾക്ക് പിന്നിൽ ഘടിപ്പിച്ച ഫിംഗർപ്രിന്റ് സ്കാനർ ഇല്ലെന്നും ചിത്രങ്ങൾ സ്ഥിരീകരിക്കുന്നു. റിയൽ‌മി 6 സീരീസിന് സമാനമായ സൈഡ് മൗണ്ട് ചെയ്ത ഫിംഗർപ്രിന്റ് സെൻസർ കമ്പനി വാഗ്ദാനം ചെയ്യുന്നതിനുള്ള സാധ്യതയുണ്ട്. റിയൽ‌മി നാർ‌സോ 10 പച്ച നിറത്തിൽ‌ ലഭ്യമാകും, കൂടാതെ 10 എ പതിപ്പ് നീല വർ‌ണ്ണ ഓപ്ഷനിൽ‌ വിൽ‌പനയ്‌ക്കെത്തും. റിയൽ‌മി നർസോ 10 സീരീസിന്റെ വില ഇന്ത്യയിൽ 10,000 രൂപയിൽ താഴെയാകും വരിക.